Туриннинг "Ювентус" клуби ҳужумчиси Криштиану Роналду "Golden Foot" соврини ҳақида фикр билдирди.

"Мен Golden Foot мукофотини қўлга киритганимдан ва ўзимни Монакодаги чемпионат тахтасида барча замонларнинг энг буюк афсоналари қаторида абадийлаштирганимдан фахрланаман!

Мен чин дилдан хурсандман ва бутун дунё мухлисларига менга овоз бергани учун миннатдорчилик билдирмоқчиман ", - деб пост қолдирди Роналду ўзининг "Инстаграм"даги расмий саҳифасида.

Мукофот мухлислар ўртасида овоз бериш асосида футбол ривожига катта ҳисса қўшган футболчиларга топширилади.

Ушбу соврин учун Лионель Месси ("Барселона"), Роберт Левандовски ("Бавария"), Серхио Рамос ("Реал"), Артуро Видал ("Интер"), Жерар Пике ("Барселона"), Моҳамед Салаҳ ( "Ливерпул"), Неймар (ПСЖ), Серхио Агуеро ("Манчестер Сити") ва Жоржио Келлини ("Ювентус") кураш олиб борди.