АПЛ 14-тури доирасида «Ливерпул» «Кристал Пелас»ни йирик 7:0 ҳисобида таслим этганидан хабарингиз бор.
Ушбу ғалаба орқали Клопп шогирдлари турнир жадвалидаги пешқадамлигини мустаҳкамлаб олди (31 очко). Энди улар энг яқин таъқибчиси «Лестер»дан 4 очко олдинда (27).
Шу орқали мерсисайдликлар Рождествога мусобақа пешқадами сифатида боришадиган бўлди. Бу воқеа клубда кетма-кет 3 мавсумдан буён содир бўлмоқда ва қайсидир маънода турнирнинг ўзига хос рекорди ҳисобланади.
«Қизиллар» охирги марта 1978-1980 йиллар оралиғида Боб Преслей қўл остида ушбу натижани қайд этишган эди.
