Каталониянинг «Барселона» клуби президентлигига номзод Жорди Фарре «ПСЖ» ҳужумчиси Неймарнинг жамоага қайтиш имкониятлари ҳақида фикр билдирди.

«Неймарни жамоамизда кўришдан барча хурсанд бўлади, лекин у биринчи навбатда ўз талабларидан воз кечиши ва кечирим сўраши керак.

Биз унинг вакиллари билан суҳбатлашдик, улар бизга «уйга қайтиш» имконият ҳақида гапириб беришди. Ким дунёнинг учинчи рақамли футболчисини ўз сафида кўришни хоҳламайди? У жамоамиз таркибидан жой олиши мумкин, фақат у 40-45 миллион евролик таклифга рози бўлиши керак», – деди Фарре RAC1 билан суҳбатда.