Леверкузеннинг «Байер» клуби аъзолари Ларс ва Свен Бендерлар клуб билан янги битим тизмоқчи эмас ҳамда келаси йил ўз футболчилик фаолиятларини якунлайдилар.
Бу ҳақда клуб матбуот хизмати хабар бермоқда.
«Албатта, узоқ йиллик фаолиятдан сўнг буни айтиш ёқимли эмас. Оғир масъулиятни чуқур ҳис қилиб турибмиз. Бу клуб келажагига қарши қарор эмас.
Агар ўз форманг аввалгидек эмаслигини сезсанг, футболдан вақтида кетганинг маъқул. Биз жуда кўп жисмоний ва руҳий муаммоларга учрадик. Энди оила билан кўпроқ вақт ўтказиш пайти келди», - дейди Ларс.
Эслатиб ўтамиз, ҳар иккала футболчи ҳам «Байер» таркибига 2009 йилда қўшилишган.