Туриннинг «Ювентус» клуби футболчиси Хуан Куадрадо ўзининг «Инстаграм»даги расмий саҳифасида А Сериянинг 14-тур доирасида «Фиорентин» (0:3) клубига қарши учрашувнинг 18-дақиқасида олган қизил карточкаси борасида пост қолдирди.
«Ушбу соҳада, яъни футбол соҳасида унутиб юбориш керак бўлган ўйинлар бўлади ва кеча айнан шуларнинг бири бўлди. Жамоадошларимни 10 киши қолдирганимдан ғазабдаман ва биз мағлубиятга учрадик, бироқ, эртага барчаси яхши бўлишига ишонч ва умид бор», - деб пост қолдирди колумубиялик футболчи.
