Turinning «Yuventus» klubi futbolchisi Xuan Kuadrado o‘zining «Instagram»dagi rasmiy sahifasida A Seriyaning 14-tur doirasida «Fiorentin» (0:3) klubiga qarshi uchrashuvning 18-daqiqasida olgan qizil kartochkasi borasida post qoldirdi.
«Ushbu sohada, ya’ni futbol sohasida unutib yuborish kerak bo‘lgan o‘yinlar bo‘ladi va kecha aynan shularning biri bo‘ldi. Jamoadoshlarimni 10 kishi qoldirganimdan g‘azabdaman va biz mag‘lubiyatga uchradik, biroq, ertaga barchasi yaxshi bo‘lishiga ishonch va umid bor», - deb post qoldirdi kolumubiyalik futbolchi.
