Италиянинг «Интер» клуби ҳужумчиси Лаутаро Мартинес А Сериянинг 14-тур доирасида «Верона» (2:1) устидан қўлга киритилган ғалабадан кейинги фикрлари билан ўртоқлашди.

«Кучли клубга қарши ўйнадик ва ғалаба қозондик. Гарчи, биринчи бўлимда гол кирита олмаган бўлсак-да, яхши ўйин намойиш этдик. Иккинчи бўлимда эса тўлақонли ўз ўйинимизни кўрсатдик.

«Интер» клубига соврин ютиш учун келганман. Ҳозир бизда бу имконият бор. Совринларни қўлга киритиш учун ҳар куни меҳнат қиляпмиз.

Бугунги учрашувда ғалаба қозониш учун бор кучимизни ишга солишимиз керак эди ва буни уддаладик ҳамда уч очколик бўлдик», – деди аргентиналик футболчи Sky Sport Italia билан суҳбатда.