Italiyaning «Inter» klubi hujumchisi Lautaro Martines A Seriyaning 14-tur doirasida «Verona» (2:1) ustidan qo‘lga kiritilgan g‘alabadan keyingi fikrlari bilan o‘rtoqlashdi.
«Kuchli klubga qarshi o‘ynadik va g‘alaba qozondik. Garchi, birinchi bo‘limda gol kirita olmagan bo‘lsak-da, yaxshi o‘yin namoyish etdik. Ikkinchi bo‘limda esa to‘laqonli o‘z o‘yinimizni ko‘rsatdik.
«Inter» klubiga sovrin yutish uchun kelganman. Hozir bizda bu imkoniyat bor. Sovrinlarni qo‘lga kiritish uchun har kuni mehnat qilyapmiz.
Bugungi uchrashuvda g‘alaba qozonish uchun bor kuchimizni ishga solishimiz kerak edi va buni uddaladik hamda uch ochkolik bo‘ldik», – dedi argentinalik futbolchi Sky Sport Italia bilan suhbatda.
