Англиянинг «Манчестер Юнайтед» клуби бош мураббийи Оле-Гуннар Сульшер Англия Лига Кубоги 1/4 финал босқичи доирасида «Эвертон» устидан қўлга киритилган ғалаба ҳақидаги фикрлари билан ўртоқлашди.
«Ўйинни яхши бошладик, дастлабки 20-25 дақиқа ичида жуда яхши ўйнадик ва 2-3 та гол киритишимиз мумкин эди. Кейин рақиб ўз ўйинини кучайтирди, лекин 70-дақиқадан кейин яна биз яхши ўйнай бошладик.
Кавани биринчи бўлимнинг ўзида учта гол киритиши керак эди. У топ-ҳужумчи, у жуда яхши ҳаракатланади. Унинг голи ажойиб бўлди.
Ажойиб ўйин бўлди: мухлислар, яккакурашлар, сариқ карточкалар ва икки дарвоза олдидаги хавфли вазиятлар. Менга ўйин ёқди. Агар яхши ҳимояланадиган бўлсак, бизга ғалаба олиб келадиган футболчиларимиз борлигини биламиз», – деди Сульшер.
