Англиянинг «Манчестер Юнайтед» клуби ярим ҳимоячиси Неманья Матич Англия Лига Кубоги ярим финалида «Манчестер Сити» клубига қарши бўлиб ўтадиган ўйинда жамоасининг муваффақиятига шубҳа қилмаётганини билдирди.
«Ўтган йилги мавсумга қараганда ҳозир анча кучлимиз. Финалга чиқиш учун юзага келадиган имкониятларимиздан фойдаланишимиз керак. Ўз мақсадимизга эришиш учун бор кучимизни ишга соламиз.
Ҳозир «Манчестер Юнайтед» жуда яхши спорт формасида. Биз ривожланишда давом этяпмииз. «Манчестер Сити»нинг тўсиғидан ўтишга ва финалга чиқишимизга ишонаман, бунга кучимиз етади, - деди Матич «қизил иблислар» матбуот хизматига.
«Манчестер Юнайтед» ва «Манчестер Сити» жамоалари ўртасидаги ушбу баҳс 6 январь куни бўлиб ўтади.
