Туриннинг «Ювентус» клуби футболчиси Маттайс де Лигт Италияга мослашиш жарёни ҳақида фикр билдирди.

«Агар маҳаллий футболчи бўлмасанг, Италияда ҳимоячилар учун жуда қийин, лекин мен янги чақирувни қабул қилишга тайёрман. «Ювентус» - менинг фаолиятимдаги муҳим жой эканлигига аминман. Мен ушбу таклифидан умуман афсусланмаганман. Ҳозир бу ерда бахтиёрман», - деди нидерландиялик футболчи The Athletic билан суҳбатда.

21 ёшли футболчи Италия чемпионатининг дастлабки турларини жароҳат сабабли ўтказиб юборди. У «Ювентус» таркибида 10 та учрашувда майдонга тушишга улгурди.