Мадриднинг "Атлетико" клуби ҳужумчиси Диего Коста фаолиятини "Эвертон" ёки "Тоттенхэм" клубларида давом эттириши мумкин.
beIN Sports порталининг тарқатган маълумотига қараганда, 32 ёшли ҳужумчи "Атлетико"ни тарк этиш борасида клуб раҳбарияти билан музокара олиб бормоқда.
Костанинг шартномаси 2021 йилнинг ёзида якунига етади ва у эркин агентга айланади. "Матрасчилар" раҳбарияти футболчининг шартномасини кутиб ўришни хоҳламаяпти ва январь ойида унинг трансферидан пул ишлаб олмоқчи.
Жорий мавсум Коста "Атлетико" сафида атиги саккизта ўйинда майдонга тушди ва иккита гол киритди.
