Томас Тухель Франциянинг «ПСЖ» клубини тарк этишга яқин турибди. Ҳали бу борада расмий баёнот тарқатилмади, бироқ барча ОАВ Тухелнинг кетаётганини ва яқин соатлар ичида жамоага Маурисио Почеттино бош мураббий бўлиши ҳақида бир овоздан ёзишмоқда.
AS нашрининг тарқатган маълумотига қараганда, Тухель "ПСЖ" спорт директори Леонардо билан учрашувдан ғазабланган. Германиялик мураббийнинг фикрича, раҳбарият унинг истеъфоси ҳақида нотўғри вақтни белгилаган. Чунки, унинг қўл остиджа "ПСЖ" ЕЧЛнинг кейинги босқичига гуруҳда биринчи ўринни қўлга киритиб чиқди.
Қўшимча ўрнида шуни айтиш керакки, ўтган мавсумда «ПСЖ» ЕЧЛнинг финалигача етиб борганди ва ҳал қилувчи учрашувда «Бавария»га кичик ҳисобда ютқазиб қўйганди.
