«Ливерпуль» устози Юрген Клопп ва жамоа раҳбарияти ўртасидаги айрим воқеалар кўплаб манбаларда овоза бўлмоқда.
Бу ҳолат юзасидан унинг ўзи барчасига ойдинлик киритди. «Клубдан кетаманми? - мени бунга мажбур қиладиган ягона нарса об-ҳаво бўлиши мумкин. Бу ерда кетишимга асос бўладиган футболга алоқадор ҳеч қандай сабаб йўқ», - дейди мураббий.
Эслатиб ўтамиз, «Ливерпуль» бугун АПЛ навбатдаги тури доирасида «Вест Бромвич» билан тўқнаш келади. Клуб айни дамда 31 очко жамғарган ҳолда мусобақа пешқадами бўлиб турибди.
