Лондоннинг "Челси" клуби собиқ ҳужумчиси Жимми Флойд Хассельбайнк Англиянинг биринчи лигаси иштирокчиси "Бертон" клубида мураббийлик фаолиятини тиклади. Хассельбайнк "Бертон" клубида 2014 йилнинг ноябрь ойида ҳам иш бошлаганди.
"Бертон" Жимми Флойд қўл остида иккинчи лигада ғолиб чиққанди, бироқ, бир йилдан сўнг у "Куинз Парк Рейнджерс" клубига йўл олганди.
Ҳозирда "Бертон" биринчи лиганинг энг пастки поғонасида бормоқда. Жамоани қуйи дивизионга тушиб кетмаслиги учун клуб раҳбарияти бош мураббий Жейк Бакстонни ўз лавозимидан озод қилиб, унинг ўрнига Хассебьбайнкни таклиф қилди.
"Бертон" — менинг юрагимга яқин клуб. Бу мен ва менинг оилам учун муҳим клуб саналади.
Ҳозир олдимизда умуман бошқа вазифа турибди. Чунки, биз керакли очколарни қўлга киритиб, сўнгги поғонани тарк этишимиз керак.
"Бизда ажойиб жамоа борлигини биламиз, аммо бу бизнингжадвалдаги позициямизга таъсир қилмайди, шунинг учун биз кўпроқ ишлашимиз керак", — дедиХассельбайнк.
