Бильбаонинг "Атлетик" клуби тарбияланувчиси Айтор Гандиага ЙТҲ натижасида вафот этганлиги ҳақида Mundo Deportivo нашри хабар тарқатмоқда.

Манбанинг ёзишига қараганда, автоҳалокат якшанба куни юз берган. Гандиага бошқариб кетаётган автомобиль Scania русумли йўловчи ташувчи автобус билан тўқнашиб кетган. Натижада 23 ёшли футболчи воқеа жойида ҳалок бўлган, қутқарувчилар унинг жасадини автомобилни ичидан чиқариб олишди. Бундан ташқари, автобуснинг ҳайдовчиларидан бири жароҳат олди.

Гандиага сўнгги маротаба Испаниянинг учинчи дивизиони вакили «Генрик» клуби сафида ижара асосида ўйнаганди.