Франциянинг «Сент-Этьен» ўз расмий сайти орқали дарвозабон Стефан Руффье билан шартномани бекор қилганлигини эълон қилди. Меҳнат шартномаси муддати тугашидан олти ой олдин бекор қилинди.
Клуб ва 34 ёшли дарвозабон ўртасидаги «уруш» деярли бир йил давом этди. Ҳаммаси ўтган йили қиш мавсумида мураббий Клод Пюэль ҳеч қандай изоҳ бермасдан, Руффье мавсум охиригача захирада бўлишини айтганидан бошланди. Кейин тўқнашув янада оғирлашди - клуб футболчини машғулотлардан бош тортганликда айблади ва ҳаттоки унинг агентини матбуотда гапиргани учун судга берди.
Стефан Руффье 2011 йилдан бери «Сент-Этьен» таркибида тўп сурмоқда ва 383 ўйин ўтказди.
