Ўтмишнинг машҳур футболчиларидан бири, "Тоттенхэм" ва "Реал" клубларининг собиқ футболчиси Жонатан Вудгейт Харри Кейннинг келажаги ҳақида фикр билдирди.

«Агар «Реал» Харри Кейнга таклиф билан чиқадиган бўлса, у ҳолда англиялик ҳужумчи иккиланиб ўтирмасдан кетиши керак. Агар у соврин ютишни хоҳласа ва Лионель Месси ҳамда Криштиану Роналдулар даражасига кўтарилишни истаса, у ҳолда Мадридга кетиши керак.

«Тоттенхэм» қандай қилиб АПЛда ғолиб чиқишини кўрмаяпман - на бу мавсумда, на келаётган мавсумларда. Улар «Ливерпуль» ва «Манчестер Сити»лар савиясига чиқиш учун кам ишларни амалга оширишди. «Реал»да Кейн учун нафақат Ла Лигани, балки, ЕЧЛни ютиш учун ҳам имконият бўлади», - деди Вудвейг Stadium Astro билан суҳбатда.