Кириш Регистрация
16/05 00:00 Ман. Юнайтед 3-2 Ньюкасл
16/05 00:00 Реймс 1-0 Марсель
16/05 00:00 Ницца 1-2 ПСЖ
16/05 01:00 Сельта 2-1 Атлетик Бильбао
16/05 01:00 Хетафе 0-3 Атлетико
16/05 22:30 Лас-Пальмас 2-2 Бетис
17/05 00:30 Альмерия 0-2 Барселона
17/05 01:00 Реал Сосьедад 1-0 Валенсия
17/05 23:45 Фиорентина - Наполи
18/05 21:00 Лечче - Аталанта
18/05 23:45 Торино - Милан
19/05 00:00 Алавес - Хетафе

Расман! АГМК яна бир янги трансферни амалга оширди

Баҳо:
+ | -

Таркибни янада кучайтиришга ҳаракат қилаётган ва селекция ишларини жадаллик билан давом эттираётган жамоамиз навбатдаги трансферга қўл урди. АГМК ўтган йиллар давомида «Бунёдкор» шарафини ҳимоя қилган ажойиб қанот ҳимоячиси - Дилшод Аҳмадалиевни ўз сафига қўшиб олди. Ажойиб тезлик ва дриблинг соҳиби эндиликда «кончилар» либосида жамоамиз мухлисларини хушнуд этишга интилади. Дилшод Аҳмадалиев эркин агент сифатида АГМК билан 1 йиллик шартнома имзолади.

Дилшод Аҳмадалиев 1994 йили Наманган вилоятининг Тўрақурғон туманида таваллуд топган ва 2015 йили «Обод» сафида ҳаракат қилган. 2016 йилдан эътиборан эса катта футболда «Бунёдкор» жамоаси орқали фаолият юритмоқда. Ҳимоячи 2016-2020 йиллар мобайнида «Бунёдкор» сафида жами 128 ўйинда майдонга тушган ва рақиблар дарвозасини 5 маротаба ишғол қилган. Дилшод Аҳмадалиев Ўзбекистон чемпионатида 101 ўйин, ОЧЛда 9 учрашув ва кубокда 18 беллашув ўтказган.

Аҳмадалиев АГМК билан шартнома имзолаганидан бахтиёр ва ҳимоячи АГМКдаги илк таассуротлари билан ўртоқлашди.

Аҳмадалиев: «АГМК аҳил оиласига қўшилганимдан бахтиёрман. Очиғи, жамоа алмаштириб, ўзимни янги муҳитда синаб кўриш пайти келганди. Олмалиқ танловига тўхталганимни асосий сабаби бу Миржалол Қосимов қўл остида ҳаракат қилиш иштиёқи бўлди. Қўшоқович билан аввал ишлаганман ва бу менга маъқул келган. АГМК билан ички мусобақаларда ва халқаро майдонда муваффақиятли қатнашишни мақсад қилганман. Ўйлайманки, АГМКдаги фаолиятим нафақат мен учун янги саҳифа, балки жамоамиз учун ҳам қизиқарли ва янги муваффақиятларга бой бўлади. Янги коллектив ва муҳит менга ёқди. Худо хоҳласа АГМК сафида мухлисларни хурсанд қилишга бор кучимни сарфлайман».

АГМК аҳил оиласига хуш келибсан, Дилшод!

Киритилди: 21:17, 05.01.2021.
Ўқилди: 5901 марта.
Фикрлар: 0 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.