Франциянинг «ПСЖ» клуби бош мураббийи Маурисио Почеттино Неймарнинг майдондаги позицияси ҳақида фикр билдирди. Бразилиялик футболчидан ташқари ҳужумда Килиан Мбаппе, Анхель ди Мария ва Мауро Икардилар ўйнайди.
- Қачонки Неймар жамоа билан машғулотларни тикласа, ўзининг яхши фазилатларини намойиш этиши учун унга майдонда яхши позиция топамиз. Тизим ҳақида гапиришни хоҳламаган бўлардим. Биз ўйин режаси бўйича барча футболчилар, шу жумладан Неймар ўзларининг энг яхши ўйинларини намойиш этишларини режалаштиряпмиз. Уларнинг барчаси етакчи, аммо буни намоён қилишнинг турли хил усуллари мавжуд. Майдонда, кийиниш хонасида қанча кўп етакчи бўлса, шунча кўп жамоага фойда бўлади, - деди Почеттино.
