Fransiyaning «PSJ» klubi bosh murabbiyi Maurisio Pochettino Neymarning maydondagi pozisiyasi haqida fikr bildirdi. Braziliyalik futbolchidan tashqari hujumda Kilian Mbappe, Anxel di Mariya va Mauro Ikardilar o‘ynaydi.
- Qachonki Neymar jamoa bilan mashg‘ulotlarni tiklasa, o‘zining yaxshi fazilatlarini namoyish etishi uchun unga maydonda yaxshi pozisiya topamiz. Tizim haqida gapirishni xohlamagan bo‘lardim. Biz o‘yin rejasi bo‘yicha barcha futbolchilar, shu jumladan Neymar o‘zlarining eng yaxshi o‘yinlarini namoyish etishlarini rejalashtiryapmiz. Ularning barchasi yetakchi, ammo buni namoyon qilishning turli xil usullari mavjud. Maydonda, kiyinish xonasida qancha ko‘p yetakchi bo‘lsa, shuncha ko‘p jamoaga foyda bo‘ladi, - dedi Pochettino.
