«Арсенал» яримҳимоячиси Месут Ўзил Туркиянинг «Фенербахче» клубига ўтишга яқин турибди.
Mirror хабарига кўра клуб футболчи учун 3 йилга мўлжалланган шартнома таклиф қилмоқда.
Месут айни дамда якка тартибда машғулотларни ўтказмоқда. Бунга сабаб у мавсумнинг биринчи қисмида умуман таркибга киритилмади. Унинг «кононирлар» сафидаги ҳозирги маоши ҳафтасига 395 минг еврони ташкил этади.
Эслатиб ўтамиз, жамоа бош мураббийи Артета декабрда Ўзилга бошқа клублар билан алоқага чиқиши мумкинлигини айтганди.
Ҳозирда футболчининг трансфер нархи атиги 5 миллионни ташкил этмоқда.
