Ўтмишнинг машҳур ҳужумчиси Руд ван Нистелрой шу йилнинг июль ойида Нидерландиянинг "ПСВ" ёшлар клуби бош мураббийига айланади.
«Менга жамоа билан ҳар куни ишлаш ёқади. Мен бу йўлни атайлаб танладим ва бу касб мен учун мукаммал эканлигини англадим. Футболдаги билимларимни бошқалар билан бўлишишни яхши кўраман. Олдинга қадам ташлаш вақти келди. ПСВ ёшлар жамоасининг мақсади аниқ – кўпроқ футболчиларни етказиб бериш. Умид қиламанки, мен буни уддалай оламан», - деди 44 ёшли мутахассис клуб матбуот хизматига.
Ван Нистелрой аввал "ПСВ"нинг 19 ёшгача бўлган жамоасида ишлаганди. Бундан ташқари, Руд Франк де Бурни Нидерландия терма жамоасида ёрдамчиси ҳисобланади.
