АПЛнинг уч клуби Римнинг «Лацио» жамоаси билан «Манчестер Сити» футболчиси Александр Зинченко учун курашишга тайёр. Бу ҳақда Англия матбуоти хабар тарқатмоқда.
Манбаларнинг ёзишига қараганда, Зинченкога «Саутгемптон», «Лестер» ва «Вест Хэм» клублари даъвогарлик қилишмоқда.
Қайд этиш керакки, сўнгги пайтларда Зинченко «Манчестер Сити» бош мураббийи Хосеп Гвардиола ишончига кириб қолди. Александр АПЛ доирасида «Челси» (3:1) клубига қарши ўйинда ва Англия Лига Кубоги доирасида «Манчестер Юнайтед» (2:0) жамоасига қарши ўйинларда асосий таркибида майдонга тушди.
