Мадриднинг "Реал" клуби ҳужумчиси Карим Бензема шантаж иши бўйича Версал жиноий суди олдида жавоб бериши ҳақида AFP хабар тарқатмоқда.

33 ёшли ҳужумчи 2015 йили Франция терма жамоасидаги собиқ жамоадоши Матьё Вальбуэнани шантаж қилмоқчи бўлганлиги учун судга тортилади. Бензема Вальбуэнани шанташ қилишда шериклик қилганликда гумонланмоқда. Эслатиб ўтамиз, ўшанда тажовузкорларда Валбуэнанинг ишқий муносабатдаги видеоларини тарқатиб юбориш билан қўрқитишган.

Бензема ҳуқуқини муҳофаза қилиш органлари эътиборига 2015 йил ноябрь ойининг бошларида тушиб қолган ва Франция полицияси томонидан ҳисбга олинганди. Қисқа муддатли ҳибсдан сўнг, Бензема Валбуэнага қарши қилинган шантажликда шерик деб топилган, шундан сўнг Карим гумонланувчи сифатида озод қилинганди. Кейинчалик у Франция терма жамоаси таркибидан четлатилди.