Туркиянинг «Фенербахче» клуби бош мураббийи Эрол Булут «Арсенал» хавбеки Месут Ўзилнинг эҳтимолий трансфери ҳақида гапирди.
«Ўзил билан боғлиқ жараёнлар бўйича ҳали аниқ қарорга келинмаган. Бу масала бир неча кунда ҳал бўлиши кутиляпти.
Ҳозир барча тажрибали Ўзилнинг Туркияга келишини муҳокама қиляпти. Бироқ, расмий трансфер амалга ошмагунча бу тўғрисида ортиқча гапирмоқчи эмасман», - дейди Булут.
Эслатиб ўтамиз, Ўзил «канонирлар» сафида мартдан бери майдонга тушмаган. Футболчининг турк клуби билан 3 йиллик битим тузиши ҳақида миш-мишлар тарқалиб кетди.
