Лондоннинг «Арсенал» ҳимоячиси Киран Тирни фаолиятини Италия А Сериясида давом эттириши мумкин. Бу ҳақда The Telegraph нашри хабар бермоқда.
Манбанинг ёзишича, 23 ёшли шотландиялик футболчига «Наполи» клуби қизиқиш билдирмоқда. Неаполликлар ушбу трансферни ёзги трансфер бозорида амалга оширишмоқчи.
Тирни 2019 йилнинг ёзида "Арсенал"га "Селтик" клубидан кўчиб ўтганди. Лондонликлар унинг трансфери учун 27 миллион евро сарфлаганди.