Англиянинг «Эвертон» клуби бош мураббийи Карло Анчелотти Англия профессионал футболчилар ассоциацияси (PFA) томонидан АПЛ футболчиларига берилган тавсиялар самарадорлигини шубҳа остига қўйди.
Коронавирус тарқалишини олдини олиб мақсадида, футболчиларга киритилган голдан сўнг, уни нишонлаш учун бир-бири билан қучоқлашмасликлари маслаҳат берилди.
«Тўғрисини айтганда, голни нишонлашни таъқиқлайдиган ҳеч қандай қоидалар йўқ.
Биз ҳақиқатдан ҳам Премьер-лига тақдим этган протоколга қатъий амал қиляпмиз. Агар АПЛ голни нишонламасликни ва футболчилар бир-бирларини қучоқламасликларини айтадиган бўлса, у ҳолда бу ишни амалга оширмаймиз.
Ёки бўлмаса шунчаки гол киритмаймиз, шуниси яхши бўладими? Гол урмаган тақдирдагина нишонлмасак мумкин», – деди Анчелотти.
