La Vanguardia нашри Каталониянинг «Барселона» клубини молиявий фалокати ҳақида материал чоп этди. 2020 йилнинг якунига келиб, клубнинг қарзи 900 миллион еврони ташкил этди. Унинг 420 миллиони қисқа муддатда кредиторларга тўланиши керак бўлган маблағ.
«Барселона»нинг бўлажак президенти олдида жиддий вазифа турибди - нафақат кредиторлар билан муддатни узайтириш, балки, тежак режимида ишлаш керак.
«Барселона»нинг лойиҳасига кўра, клуб жорий мавсум 791 миллион евро фойда топиши керак. Бироқ, лойиҳада декабрь ойида «Камп Ноу» стадионини 25 фоизга, февраль ойида эса 100 фоизга мухлислар билан тўлдириш режалаштирилганди. Лойиҳада 320 миллион еврони стадионга мухлисларнинг ташрифи, музей, магазин ва турли хизматлар орқали ишлаб топиши режалаштирилганди. Аммо, пандемиянинг давом этаётганини ҳисобга олган ҳолда, бундай даромадни ишлаб топишнинг имкони йўқ.
