«Бавария» бош мураббийи Ханс Флик жамоасининг 2020/2021 йилги Германия кубогидан кетиши ҳақидаги фикрлари билан ўртоқлашди. «Бавария» иккинчи раундда сенсацион тарзда мағлубиятга учради ва пенальтилар сериясида "Голштейн" жамоасига ютқазди.
«Албатта, биз ҳайратда қолдик. Натижадан ҳафсаламиз пир бўлди, чунки биз яна треблни қўлга киритишни хоҳлаётгандик. Ҳамма нарса шу тарзда содир бўлиши ёқимсиз.
Рақибни табриклаш керак. "Голштейн" характер ва юқори даражадаги фидойиликни намойиш этди. Улар яхши ҳимояланишди ва уларнинг дарвозабони ажойиб ўйин намойиш этди", - дея Фликнинг сўзларидан иқтибос келтирмоқда "Бавария" матбуот хизмати.
