Мадриднинг «Реал» футболчиси Марко Асенсио Испания Суперкубоги ярим финалида «Атлетик» (Бильбао)дан учралган мағлубият (1-2) ҳақида фикр билдирди.

- «Атлетик» ўйинни яхши бошлади ва бизга муаммолар туғдирди, айниқса биринчи бўлимда. «Реал» мағлубиятдан қутулиш учун имкониятларга эга эди, аммо биз буни уддалай олмадик. Қайд этилган натижадан хафа бўлдик, чунки финалга чиқишни хоҳлагандик. Бу футбол, олдинга қадам ташлаш керак. Биз ғазабландик ва хафа бўлдик, аммо энди бошқа муаммоларни ҳал қилиш керак. Биз энди уларга эътиборимизни қаратишимиз керак, - деди футболчи "Реал" матбуот хизматига.