2017-йил 5-май санасида ташкил этилган «Турон» ўша мавсумнинг ўзида «Наврўз» кубоги мусобақасида ғолибликни қўлга киритди. 2018-йилда тажрибали мутахассис Баҳром Хакимов қўл остида жамоа футбол бўйича Фарғона вилояти биринчилиги 2-лига мусобақаларида чемпион бўлди.

«Турон» 2019-йилги мавсумда Фарғона вилояти 2-лигаси ғолиби сифатида ЎзПФЛ байроғи остидан ташкил этиладиган ПРО-Лига (В гуруҳи) иштирокчисига айланди.

Мавсум аввалида кейин Баҳром Хакимов, кейинроқ Исломбек Исмоилов қўл остида жамоа мазкур лигада жами 28 та ўйин ўтказган жамоа 19 та ғалаба, 5 дуранг, 4 мағлубият қайд этган холда 62 очко билан чемпионликни қўлга киритди. Тўплар нисбати — 67-23, рақиблар дарвозаси 67 бор ишғол этилган бўлса, ўз дарвозасидан 23 та тўп ўтказиб юборилган. Ўша мавсумнинг ўзида ПРО-Лига ўтиш ўйинларида ҳам барча рақибларини мағлуб этган «Турон» ғолибликни қўлга киритди.

Жамоа 2020-йилги мавсумда ПРО-Лига мусобақаларида ҳам муносиб иштирок этди. Исломбек Исмоилов бошқарувидаги «Турон» жами 20 та учрашувда майдонга тушган «Турон» 11 ғалаба, 5 дуранг, 4 мағлубият қайд этгани холда 38 очко жамғариб ғолибликни қўлга киритди. Эндиликда жамоа 2021-йилги мавсумдан бошлаб Ўзбекистон Суперлигасида иштирок этади.

Айтиш жоиз, клубнинг ёш ҳужумчиси Абдулазизхон Абдурашидов 2020-йилги мавсум якунларига кўра, «ПРО-Лиганинг энг яхши футболчиси» деб топилган бўлса, «Турон» ЎзПФЛ томонидан «Махсус соврин» номинацияси ғолиби сифатида тақдирланди.

«Турон» футбол клуби матбуот хизмати