Италиянинг «Наполи» клуби шу ойнинг ўзида «Барселона» ҳимоячиси Хуниор Фирпони ўз сафига қўшиб олмоқчи. Бу ҳақда Италия матбуоти хабар бермоқда.
Неаполликлар 24 ёшли испаниялик футболчини ижарага олмоқчи. Ўз навбатида «Барселона» Рональд Куманнинг режаларига кирмаётган бу футболчидан қутулиш ниятида. Эҳтимол, «Наполи» Фирпонинг трансферини мавсум охирида сотиб олиши мумкин.
Жорий мавсумда Фирпо 10 та ўйинда майдонга тушиб қолди ва битта голга ассистентлик қилди. Transfermarkt портали Фирпонинг трансферини 10 миллион евро атрофида баҳоламоқда.
