Италия матбуотининг тарқатган маълумотига қараганда, ҳамюртимиз Элдор Шомуродов тўп сураётган «Женоа» клуби Адольфо Гайчни ўз сафига қўшиб олиш вариантларини кўриб чиқмоқда. Ўз навбатида, Моcкванинг ЦСКА клуби яхшироқ таклиф тушиб қолса, ўзининг тўпурар футболчисини ушлаб қолиш ниятида эмас.
Гайчга Европанинг бир қатор клублари қизиқиш билдиришмоқда. Аргентиналик футболчини ўз сафида кўриш учун Туркиянинг бир нечта клублари ва Германиянинг «Унион» клубларидан қизиқиш бўлганди.
ЦСКА раҳбарияти Гайчнинг ўйинларидан қониқиш ҳосил қилмаяпти, чунки 8,5 миллион еврога сотиб олинган аргентиналик футболчи РПЛда ҳали бирорта ҳам гол кирита олмади.
