«Манчестер Юнайтед» қанот ҳимоячиси Люк Шоу «Ливерпуль» (0:0) билан ўйинда қайд этилган натижадан норози эканлигини яширмади.
«Агар бизнинг кийиниш хонамизга кирсангиз, у ҳолда ҳеч кимнинг дурангдан қониққанини кўрмайсиз. Ўйиннинг катта қисмида биз тўпни назорат қилдик, аммо ғалаба қозонишимиз мумкинлигини ҳис қилдик. «Ливерпул»да ҳам вазиятлар бўлди, лекин уларнинг вазиятлари бизникичалик хавфли кўриниш олмади.
Албатта, йўқдан кўра бир очко яхшироқ. Мухлисларсиз ўйнаш қийин бўлмоқда, лекин бунга кўникишимиз керак. Яқин вақтлар ичида мухлислар стадионга қайтмайдигандек ҳиссиёт бор. Биз профессионал футболчилармиз ва бунга мослашишимиз керак», - деди Шоу.
