Германиянинг ўтган асрнинг 70-йилларидаги юлдуз футболчиси Герд Мюллер яқин вақтлар оралиғида унга тегишли бўлган рекорд Марио Гомес томонидан янгиланишидан хавотирда эканлигини яширмаяпти, — дея хабар беради немис нашрлари.
"Анчадан бери Марио Гомесни кузатиб келяпман. Унинг ҳаракатлари менда илиқ таассуротлар қолдирмоқда. Мен ўйнаган даврларда биргина ҳимоячи мени доим таъқиб қиларди. Марио Гомесни бўлса ҳозирги кунда икки ҳимоячи қўриқламоқда. Шунга қарамасдан, у голлар уриш билан банд. Бу кетишда Гомес албатта менинг рекордимни янгилайди", — дейди Мюллер.
Эслатиб ўтамиз, 1971/72 йиллардаги Германия чемпионатида "миллат бомбардири" лақабига эга бўлган Гердҳард Мюллер 40 та голга муалифлик қилганди.
