Собиқ "Бавария" ўйинчиси ва ҳозирда Италиянинг "Фиорентина" клуби шарафини ҳимоя қилаётган Франк Рибери фоалиятини яна Германияда давом эттириши мумкин. Бунга футболчининг ўзи ҳам ишонмоқда. 

"Айни пайтда мен "Фиорентина"даман ва мен уларга кераклигимни доимо ҳис қилганман. Тўғри, Германияга қайтиш вариантини ҳам ўйлаб қўйганман бироқ уни қачон амалга ошишини билмайман.

Балки бу мавсум тугагач содир бўлар. Аммо Бундеслигада фаолитимни якунлаш катта орзуларимдан бири", - дейди франциялик футболчи.

Эслатиб ўтамиз Рибери "Фиорентина"га "Бавария"дан 2019 йилнинг ёзида келиб қўшилган бўлиб у бунгача "қизиллар" сафида жами 24 та соврин ютишга эришган.