Нидерландиянинг «Фейеноорд» клуби ҳимоячиси Маркос Сенеси жамоасини ўзгартириши мумкин.

Marca нашрининг тарқатган маълумотига қараганда, ёзги трансфер бозорида «Реал» ушбу футболчи билан шартнома имзолаш ниятида. Мадридликлар расмий сўровномани яқин кунлар ичида юборишни режалаштирмоқда.

Роттердамлик эса ўзнинг 35 миллион евролик футболчисини сотиш ниятидамас. «Фейеноорд» Сенеси билан шартномани 2025 йилгача узатирмоқчи ва товон пулини 50 миллион еврога оширмоқчи.

Қайд этилишича, ушбу футболчи учун «Манчестер Сити» ва «Милан» клублари ҳам фаол қизиқиш билдиришмоқда.

Жорий мавсум 23 ёшли аргентиналик футболчи Нидерландия чемпионатида 17 та учрашув ўтказди ва 2 та гол киритди.