Мадрид клуби футболчилари бирин-кетин сафдан чиқиб бормоқда.
Sports.es маълумотларига кўра, жамоа етакчиси Серхио Рамос Ла Лиганинг навбатдаги 20-тури доирасида «Алавес»га қарши баҳс олдидан машғулотларда иштирок эта олмади.
Ҳимоячи «Атлетик»ка қарши суперкубок яримфинали (1:2)дан бери чап тиззасида оғриқ сезмоқда. Унинг эртанги баҳсда иштирок этаолмаслиги деярли аниқ бўлиб улгурган.
Шунингдек, «Алавес»га қарши баҳсни яна бир ҳимоячи Начо коронавирус сабаб ўтказиб юборади. Бироз олдинроқ эса Вальверденинг ҳам сафдан чиққани тўғрисида хабар берган эдик.
