"Милан" ҳимоячиси Жанлука Замброттанинг фикрича, агар "Манчестер Сити" ҳужумчиси Карлос Тевес россонерилар сафига қўшиладиган бўлса, "Милан" у билан ҳеч қандай муаммога дуч келмайди.
Эслатиб ўтамиз, айни вақтда "Милан" ва "Манчестер Сити" ўртасидаги Тевеснинг трансфери масаласида музокаралар олиб борилмоқда.
"Кассано ва Иброҳимовичнинг "Милан"га ўтиши олдидан одамлар Антонио жамоадаги муҳитни бузишини, Златанни эса назорат қилиб бўлмаслигини айтишганди. Бироқ Кассано ҳам, Иброҳимович ҳам жамоамизга яхши киришиб кета олдилар. Агар "Милан" "Манчестер Сити" билан келиша олса, Тевес билан худди шундай бўлади", деди Замбротта.
Эслатиб ўтамиз, "Милан" Тевесни ижарага олмоқчи, "Манчестер Сити" эса аргентиналик футболчини сотишга ҳаракат қилмоқда.
