Дортмунднинг "Боруссия" клуби расмий сайти, ўз адашлари - Мюнхенгладбахнинг "Боруссия" клуби билан ярим ҳимоячи Марко Ройс борасида олиб борилган музокаралар ниҳоят якунланганлигини ва футболчи мавсум якунлангач Дортмундга кўчиб ўтиши ҳақидаги хабарни расман тасдиқлашди.
Ҳозирги кунда Германиянинг энг истеъдодли футболчиларидан бири ҳисобланган Ройс билан Бундесилиганинг бошқа бир гранди, "Бавария" ҳам жиддий қизиаётганди. Аммо сўнгги паллада мюнхенликлар ушбу трансфердан воз кечишди. Ҳозирда футболчининг аниқ қанча миқдордаги пул эвазига Дортмундликлар сафига ўтиши ҳақида маълумотлар йўқ. 20 ёшли Марко Ройснинг Мюнхенгладбахликлар билан тузган шартномаси 2015 йилда якунланиши кўзда тутилган эди. Аммо Дортмундликлар шартномада кўрсатилган товон пули учун жуда катта маблағдан воз кечишганлик аниқ.
3 йил олдин Германия иккинчи дивизиони вакилидан 1 миллион евро эвзига Мюнхенгладбахликлар томонидан сотиб олинган Ройснинг ҳозирги кундаги трансфер нархи турли манбааларда 15-20 миллион евро сифатида баҳоланган. Мавсумни Мюнхенгладбахда якунлаши кўзда тутилган футболчи, ёзда Дортмунднинг "Боруссия"си футболчисига айланади.
