Испаниянинг "El Mundo" нашри "Барселона" ва Лионель Месси ўртасида 2017 йилда тузилган шартноманинг нусхасини қўлга киритди ва унинг деталларини эълон қилди.
Манбага кўра, мазкур келишув спорт тарихидаги энг йирик шартнома ҳисобланади. Ушбу шартномага кўра, аргентиналик футболчи 4 йил давомида умумий миқдорда 555 237 619 евро олиши кўзда тутилган. Шартнома якунланишига 5 ой вақт қолганида у 511 540 545 евро пулни олиб бўлди.
«Барселона» Мессига ҳар йили мукофотларни ҳам қўшиб ҳисоблаганда 138 млн евро тўлаш мажбуриятини ўз зиммасига олган. Шунингдек, келишувда шартнома имзо чеккани учун бир марта тўланадиган 115 225 000 евро ва клубга садоқати учун 77 929 955 евро мукофот берилиши назарда тутилган.
Эслатиб ўтамиз, Месси ҳали «Барселона» билан шартномани узайтирмади. Клубга янги президент сайланганидан сўнг у бир қарорга келади.
