"Милан" ҳужумчиси Златан Ибрагимович ва "Интер" ҳужумчиси Ромелу Лукакулар Италия Кубогида доирасида бўлиб ўтган ўйин пайтида ўзаро зиддиятга боришгани учун биттадан ўйинга дисквалификация қилинишди. Қолаверса, бу ишга ҳали чек қўйилмайди. Санкциялар федерал прокуратура томонидан бошланган процесдан сўнг узайтирилиши мумкин.
«Федера прокурор Жузеппе Чине бугун эрталаб суд жараёнини бошлади. Учрашув бош ҳаками Паоло Валери тергов доирасига чақирилди», - дейилади Италия Футбол Федерацияси расмий баёнотида.
Ромелу Лукаку «Интер»нинг Италия Кубоги ярим финалида «Ювентус» жамоасига қарши бўлиб ўтадиган ўйинида иштирок эта олмайди.