Жазоир терма жамоаси бош мураббийи Жамол Бельмади «Манчестер Сити» ярим ҳимоячиси Рияд Маҳрез "шаҳарликлар" таркибида бахтиёр эмаслигини айтди.
«Маҳрез «Манчестер Сити»да бахтиёр эмас, чунки у кўпроқ майдонга тушишни хоҳлайди. Албатта, Рияд ҳам бошқа футболчилар сингари ҳар бир учрашувда майдонга тушишни хоҳлайди. Мен унга жамоани тарк этиб, кўпроқ ўйин амалиётига бўладиган жамоага ўтишини айта олмайман. Мен унинг менедери эмасман, мен учун энг асосийси – Маҳрезни яхши формада бўлиши ва терма жамоага фойдаси тегиши. Рияд бизнинг жамоамиз саналади ва мен унга буткул ишонаман», - деди Бельмади dzfoot билан суҳбатда.
29 ёшли Маҳрез жорий мавсум «Манчестер Сити»нинг барча турнирларидаги 25 та ўйинида иштирок этди.
