«Барселона» ҳужумчиси Мартин Брейтуэйт қишки трансфер бозорида Англия Премьер-лигаси клубларидан таклиф олганди. АПЛда турнир жадвалининг сўнгги поғонасини эгаллаб турган «Вест Бромвич» даниялик футболчини кейинчалик сотиб олиш шарти билан ижарага олмоқчи бўлганди.
Mundo Deportivo нашрининг тарқатган маълумотига қараганда, Мартин Брейтуэйт бу вариантга рад жавоб берди. Мартин «Барселона»нинг асосий таркибидан муҳим жой эгалай олмаяпти, лекин шу билан бирга у Роналд Куман томонидан берилаётган имкониятдан хурсанд бўлмоқда.
Жорий мавсум Мартин Брейтуэйт «Барселона» таркибида 25 та ўйинда майдонга тушди ва олтита гол киритиб, иккита голга ассистентлик қилди.
