«Манчестер Сити» устози Хосеп Гвардиола АПЛ доирасида «Бернли» устидан қўлга киритилган ғалаба ҳақидаги фикрлари билан ўртоқлашди.
«Иккинчи бўлимнинг дастлабки 15 дақиқасида футболчиларим жуда ажойиб ўйин намойиш этишди. Афсуски, учинчи ёки тўртинчи голларни ура олмадик.
Сўнгги 15 дақиқада эса ҳужум қилмасдан, шунчаки ўйинни назорат қилдик.
Ҳужумчиларга гол ишонч бағишлайди. Габриэль Жезус ҳақиқатдан ҳам яхши ўйнади.
Биз ўз ишимизни қилишимиз керак. Бошқа жамоалар ҳақида ўйлаш катта хато. Қачонки 12-поғонани банд этиб турганимизда АПЛда ғолиб чиқишни ўйламагандик, лекин биз вазиятни ўзгартира олдик. Гап қандайдир серия ёки статистикаларда эмас. Ўйиндан ўйинга ҳаракатланиб боришимиз керак», - деди Пеп.
