«Барселона» ҳимоячиси Жерар Пике ўйинчиларнинг клубга таъсири борасида ўз фикрини билдириб ўтди.

«Раҳбарият биздан нимадир ҳақида сўраган бўлса, ўйинчи клубда фақат ўша нарсани ҳал қилишда таъсир кўрсатган бўлиши мумкин. Ўйинчилар фақатгина футбол ўйнаш учун керак. Улар қарор қабул қилишда қанчалик кам иштирок этишса, шунчалик яхши бўлади.  

Суареснинг жамоадан кетиши — менинг айбим эмас. Уни қўйиб юборган одамдан сўраш керак.

Ўйинчилар клубни бошқаришмайди. Бунга ишончим комил. Улар ўз фикрларини айтиши мумкин. Шунинг асосида у ёки бу қарор қабул қилиниши мумкин. Жамоа президенти ёки директорлар кенгаши кучли бўлса, улар нимани истаётганини яхши билишса, ўйинчи ҳеч нарса қила олмайди.

Мисол учун – Серхио Рамос ва унинг шартномаси билан боғлиқ вазият. Президент кучли бўлса, у ёки бу қарорни ўзи қабул қилади ҳамда ўйинчига имконият қолдирмайди», – деди Пике.