Римнинг «Лацио» ярим ҳимоячиси Сергей Милинкович-Савич Италияда январь ойининг энг яхши футболчиси деб топилди.
А Серия матбуот хизматининг тарқатган маълумотига қараганда, сербиялик футболчи 95 фоиз техник самарадорлик, 50 фоиз эса юқори қийин пасларни амалга оширди, шунингдек, рақибдан тўпни олиб қўйиш ва унга эгалик қилиш борасида ҳам юқори кўрсаткич қайд этди.
Жорий мавсум Милинкович-Савич «Лацио» таркибида 24 та ўйин ўтказди. Сербиялик ярим ҳимоячи 4 та гол киритди ва 7 та голга ассистентлик қилди.