Rimning «Lasio» yarim himoyachisi Sergey Milinkovich-Savich Italiyada yanvar oyining eng yaxshi futbolchisi deb topildi.
A Seriya matbuot xizmatining tarqatgan ma’lumotiga qaraganda, serbiyalik futbolchi 95 foiz texnik samaradorlik, 50 foiz esa yuqori qiyin paslarni amalga oshirdi, shuningdek, raqibdan to‘pni olib qo‘yish va unga egalik qilish borasida ham yuqori ko‘rsatkich qayd etdi.
Joriy mavsum Milinkovich-Savich «Lasio» tarkibida 24 ta o‘yin o‘tkazdi. Serbiyalik yarim himoyachi 4 ta gol kiritdi va 7 ta golga assistentlik qildi.