Испания чемпионатининг 22-тури доирасида «Реал» сафарда мусобақа аутсайдери «Уэска» клуби меҳмони бўлиб, қийин ғалабага эришди.

Биринчи бўлимда жамоалардан биттадан имкониятга эга бўлишди, аммо дарвозаларга тўп кирмади.

Иккинчи бўлимни эса «Уэска» фаол бошлади ва рақиб дарвозасини ишғол қилди. Галаннинг зарбасидан сўнг тўп тўсинга тегиб, тўрга бориб тушди. Орадан икки дақиқа ўтиб мезбонлар иккинчи голни уришга жуда яқин келишди. Рафа Мирнинг зарбасидан кейин эса тўп тўсинга тегиб, майдонни тарк этди.

Мадридликлар эса тезда жавоб қайтаришди. Баҳснинг 55-дақиқасида Бензема томонидан жаримадан йўлланган зарба натижасида тўп тўсинга тегиб, юқорига кўтарилди. Пастга тушаётган тўпни эса Варан бош билан дарвозага жойлаб қўйди.

"Реал" ўйин сўнгида ғалабани илиб кетди. Яна бир "стандарт" мадридликларга ғалаба келтирди. Модричнинг узатмасидан кейин Каземиро бош билан зарба йўллади. Дарвозабон қайтарган тўпни эса Варан дарвозага буриб юборди.

Ушбу ғалабадан кейин "Қироллик клуби" ўз очколарини 43тага етказиб олди.

Испания Ла лигаси, 22-тур
Уэска – Реал Мадрид 1:2 (0:0, 1:2)
Голлар: 1:0 – 48 Галан, 1:1 – 55 Варан, 1:2 – 84 Варан.
Уэска – Альваро Фернандес, Галан, Сиовас, Пулидо, Маффео, Думбия (Онтиверос, 73), Микель Рико (Хуан Карлос, 86), Сеоане, Сильва (Феррейро, 86), Окадзаки (Дани Эскриче, 62), Рафа Мир.
Реал Мадрид – Куртуа, Варан, Менди (Марвин, 78), Одриосола (Марсело, 67), Начо, Модрич, Кроос, Асенсио, Каземиро, Винисиус Жуниор (Мариано Диас, 78), Бензема.
Огоҳлантиришлар: Кроос (32), Маффео (45), Сильва (53).